PFL

2 август куни, бешта ўйин билан, Ёшлар Биринчилигида иккинчи давра ўйинлари старт олди. Турнинг қолган ўйинлари 3 август куни бўлиб ўтади.

Мусобақа етакчиларидан бири, Зарафшоннинг «Қизилқум» клуби ёшлари меҳмонда «Шўртан»га қарши баҳс олиб борганликларига қарамай, 3:2 ҳисобида ғалаба қозонишга муваффақ бўлишди. Ушбу ғалаба зарафшонлик футболчиларни камида бир кунга мусобақа пешқадамига айлантирди. Айни вақтда «Қизилқум» ҳисобида 31 очко мавжуд бўлса, иккинчи ўринга тушиб қолган «Пахтакор» ҳисобида 29 очко бор. Ёш пахтакорчилар 3 август куни «Металлург» билан баҳс олиб боришади.

Учинчи ўринни эгаллаб турган «Олмалиқ» эса «Насаф»га қарши қизғин баҳсда икки бора ҳисобда олдинда борганига қарамай, охир-оқибат 2:3 ҳисобида имкониятни бой берди. Айни вақтда олмалиқликлар ҳисобида 27 очко бор ва улар ҳали ҳам учинчи поғонада боришмоқда. Бироқ 3 август куни бўлажак «Бунёдкор» – «Андижон» ўйинида меҳмонлар ғалаба қозонадиган бўлса, Тошкент вилояти жамоаси тўртинчи ўринга тушади.

Ёшлар Биринчилиги, 14-тур учрашувлари
2 август, пайшанба
«Локомотив» (Тошкент) – «Динамо» (Самарқанд) – 2:1. 93 томошабин.
Ҳакамлар: Д. Пислегин (Тошкент), Р. Нугманов, А. Пўлатов, А. Рубаков.
Назоратчи: А. Попов (Тошкент).
Голлар: А. Нўъмонов (52, пенальти), И. Раҳимов (80) – Т. Қобилов (77).
18-дақиқада Ҳ. Усмонов («Динамо») пенальтидан фойдалана олмади.
Огоҳлантиришлар: И. Иномов (17), Р. Аъзамов (73), С. Абдуллаев (86), А. Пўлатов (90+4) – Н. Сафаров (14), Х. Усмонов (33), А. Бозоров (37), Т. Қобилов (52), У. Набиев (61).

«Олмалиқ» (Олмалиқ) – «Насаф» (Қарши) – 2:3. 351 томошабин.
Ҳакамлар: А. Эргашев (Тошкент), И. Зоитов, Р. Соҳабутдинов, Р. Достонов.
Назоратчи: Р. Мўминов (Тошкент).
Голлар: Ғ. Турсунов (7), Ш. Мирзаев (56) – О. Ҳамробеков (21), Э. Бойматов (53), С. Баратов (90).
Огоҳлантиришлар: И. Мустафоев (39), Е. Гоголь (51) – М. Жўрабоев (23), М. Мўминов (90+1).
Четлатиш: Е. Гоголь (51).

«Бухоро» (Бухоро) – «Нефтчи» (Фарғона) – 1:2. 251 томошабин.
Ҳакамлар: Р. Тошмуҳамедов (Нукус), Ш. Ражабов, А. Буров, Э. Турсунов.
Назоратчи: В. Валицкий (Тошкент).
Голлар: Д. Убайдуллаев (37) – Т. Исломов (25, 27).
Огоҳлантиришлар: И. Ғаниев (37), А. Абдуғаниев (иккиси ҳам - «Нефтчи», 49).

«Навбаҳор» (Наманган) – «Машъал» (Муборак) – 1:4. 67 томошабин.
Ҳакамлар: Р. Копадзе (Фарғона), М. Мажидов, Р. Фозилов, Ш. Бозоров.
Назоратчи: А. Абдуллаев (Тошкент).
Голлар: Ф. Охунов (46) – Ш. Файзиев (52), Ғ. Ғуломов (63, 64), С. Раҳманов (90+1, пенальти).
Огоҳлантиришлар: Д. Холмирзаев (34), И. Исоқжонов (51), М. Собиров (70) – И. Тошпўлатов (13), А. Ҳотамов (40), Ғ. Ғуломов (51), Т. Дадашев (70).
Четлатиш: М. Собиров (77).

«Шўртан» (Ғузор) – «Қизилқум» (Зарафшон) – 2:3. 183 томошабин.
Ҳакамлар: А. Чориев (Термиз), С. Сатторов, Ф. Норсафаров, Н. Қосимов.
Назоратчи: Г. Имомов (Тошкент).
Голлар: И. Хазигалиев (15), А. Омонов (75) – Б. Дийканбоев (32), И. Рогованов (43), А. Абдуллаев (67).
Огоҳлантиришлар: Х. Асадов (45), Т. Очилов (иккиси ҳам - «Шўртан», 48).

3 август, жума
«Металлург» – «Пахтакор» (18:00да бошланади)
«Бунёдкор» – «Андижон» (18:00)