Янгиликлар

"Насаф" ҳамда "Ал Хидд" клублари ўртасидаги ўйин соат 16:00да бошланади

25.01.2017 10:08 | Ҳалқаро майдон

“Насаф” клуби ушбу мавсумда Ўзбекистон клублари ичида биринчи бўлиб Осиё Чемпионлар Лигасида майдонга тушади.

Рўзиқул Бердиев жамоаси 31 январь куни ўз майдонида ОЧЛ плей-офф босқичида Баҳрайннинг “Ал Хидд” клубини қабул қилади. Аввалроқ хабар берилганидек, мазкур учрашув Тошкентдаги “Бунёдкор” стадионида бўлиб ўтади. Мазкур учрашув соат 16:00да бошланади.

 

Маълумот учун, мазкур ўйин ғолиби ОЧЛ плей-офф кейинги босқичида гуруҳ босқичи йўлланмаси учун Саудия Арабистонининг “Ал Фатех” клубига қарши майдонга тушади.