Янгиликлар

Ўзбекистон чемпионатида илк бор дарвоза ортидаги ҳакамлар синовдан ўтказилди

13.04.2017 18:35 | ПФЛ

Ўзбекистон чемпионати биринчи лигаси 3-туридан ўрин олган “НБУ-Осиё” – “Зомин” учрашувида биринчи марта дарвоза ортидаги ҳакамлар синовдан ўтказилди. 

“НБУ-Осиё” ва “Зомин” ўртасидаги ўйин бугун, 13 апрель куни Тошкентдаги “Ёшлик” стадионида ўтказилди. Унда 3:1 ҳисобида Зомин клуби ғалаба қозонди.

ФИФА рефериси Равшан Эрматов учрашув бош ҳаками сифатида ишлади. Унга қанотларда Абдуҳамидилло Расулов ва Жаҳонгир Саидов ёрдам берди. Шерзод Қосимов ва Ильгиз Танташев дарвоза ортида ишлади.

Таъкидлаш лозим, учрашувда дарвоза ортидаги ҳакамлардан фойдаланиш ҳозирча фақатгина тажриба сифатида қўлланилди. Кейинчалик, дарвоза ортидаги ҳакамлардан фойдаланиш тизими тўлиқ йўлга қўйилиши борасида бир тўхтамга келинади.