Янгиликлар / ПФЛ

МОҚ президенти ва ЎФА 1-вице-президенти Умид Аҳмаджонов бугун 41 ёшни қарши олди

16.05.2018 10:17 | ПФЛ

 

 

Бугун Ўзбекистон миллий олимпия қўмитаси президенти ва Ўзбекистон футбол ассоциацияси 1-вице-президенти Умид Аҳмаджонов 41 ёшни қарши олди.

 

Умид Аҳмаджонов 2017 йилнинг 12 сентябрида ўтказилган Ўзбекистон Футбол Федерациясининг навбатдаги ҳисобот-сайлов конференциясида Ўзбекистон Футбол Федерациясининг янги президенти этиб сайланганди.

 

2018 йилнинг 16 январь куни эса Ўзбекистон Миллий олимпия қўмитаси мажлислар залида ўтган навбатдан ташқари ҳисобот-сайлов бош Ассамблеясида Умид Аҳмаджонов Ўзбекистон миллий олимпия қўмитаси президенти этиб сайланди.

 

Умид Аҳмаджонов футбол федерациясига президент этиб сайлангач, мамлакат футболида туб ўзгаришлар, ижобий ислоҳотлар бошланди.

 

Биринчи навбатда Ўзбекистонда болалар футболини ривожлантириш, бу борада футболи ривожланган мамлакатлардаги каби тизимни яратиш масаласига алоҳида аҳамият қаратилди. Хориждан кучли мутахассислар юртимизга жалб қилиниб, ҳудудларда болалар футболини ривожлантириш бўйича иш бошланди. Шунингдек, Умид Аҳмаджонов миллий чемпионатимиз савиясини ошириш, мухлисларни стадионларга жалб қилиш борасида ҳам қисқа вақт ичида кўплаб чора-тадбирларни амалга оширди. Бу ислоҳотлар натижасида миллий чемпионатимиз формати ўзгартирилиб, Суперлига ва Про-лига ташкил қилинди. Мухлислар яна стадионларга қайтишни бошлади. Энг муҳими майдонда яна ҳақиқий кураш, спорт тамойиллари асосидаги рақобат юзага келди.

 

Бундан ташқари, Умид Аҳмаджонов Ўзбекистоннинг турли ёшдаги терма жамоаларининг халқаро майдонлардаги натижаларини яхшилаш борасида ҳам кенг кўламли чора-тадбирларни амалга оширди. Бунинг натижасида Ўзбекистоннинг 23 ёшгача бўлган терма жамоаси шу йил бошида Хитойда бўлиб ўтган Осиё чемпионатида ғалаба қозониб, чемпионликка эришди.

 

Ўзбекистон миллий терма жамоаси учун кучли рақиблар билан ўртоқлик ўйинлари ташкил қилинди. Жумладан, тарихда биринчи марта Ўзбекистон миллий терма жамоаси учун мундиалга йўлланма олган Марокаш, Сенегал, Уругвай каби терма жамоалар билан Жаҳон чемпионати олдидан ўртоқлик ўйинлари ташкил қилинди ва ташкил қилинмоқда.

 

Умид Аҳмаджонов бошчилигида Миллий олимпия қўмитаси ва Ўзбекистон футбол ассоциациясида жонкуяр, фидоий, меҳнаткаш аҳил жамоа жам бўлган бўлиб, ушбу жамоа катта мақсадлар сари олға бормоқда. Асосий мақсад ўзбек спорти, хусусан, ўзбек футболини жаҳонда ўз ўрнига эга бўлишини таъминлаш, халқаро майдонларда юртимиз шарафини муносиб ҳимоя қилиш, терма жамоаларимиз Жаҳон чемпионатлари ва Олимпияда ўйинларига йўлланмаларини қўлга киритишига эришиш.

 

Энг муҳими муҳтарам Президентимиз Шавкат Мирзиёевнинг юксак ишончларини оқлаш, катта ғалабалар ва олий натижалар билан Президентимизни, халқимизни хурсанд қилиш.

 

Бу йўлда Ўзбекистон футбол жамоатчилиги ва ўзбек футбол мухлислари номидан Умид Муҳаммаджоновичга мустаҳкам соғлиқ, узоқ умр, оилавий хотиржамлик, куч-қувват тилаб қоламиз!

 

 

Ўзбекистон футбол ассоциацияси

Жамоа Ў Т-Н О
1 Пахтакор 22 36-12 47
2 Локомотив 22 35-21 40
3 Бунёдкор 22 35-26 40
4 Навбаҳор 22 29-18 37
5 Металлург 22 24-29 33
6 Бухоро 22 23-28 32
7 Қўқон-1912 22 21-20 28
8 АГМК 22 26-28 26
9 Насаф 22 21-28 26
10 Қизилқум 22 20-29 23
11 Сўғдиёна 22 17-32 17
12 Нефтчи 22 12-28 15

Тўпурарлар

Футболчи Гол
1 Исмоил Гонсалвеш 12
2 Жавлон Иброхимов 10
3 Тиаго Безерра 10
4 Марат Бикмаев 9
5 Йован Жокич 8
6 Холмуҳаммедов Мурод 8
7 Зохид Абдуллаев 7
8 Элгужа Григалашвили 7
9 Филип Раевац 6
10 Сардор Рашидов 6